أنا عامـــــل حسابـــــــي

أنا عامل حسابي اني لما احب هتخان

انا عامل حسابي ان الزمن ده مفهوش امان

مجهز نفسي من كل النواحي

محضر كل الاطبة عشان يشفوا جراحي

عامل حسابي من صغري اني هفضل ملك الاحزان

مش خايف لإني عارف مصيري

هحب وانجرح كل ده حسب تقديري

مش ضعيف لكن بضعف جدا انا قدام قوة الزمان

الحب رحلة حزينة ولازم نمشي فيها

وبلاش يقرب منها اللي ما يقدرش عليها

هيتعب قوي هيغلب قوي هيدوق الويل والحرمان

عامل حسابي اني لازم اغير قلبي واتغير

وواخدها قاعدة ان الحب مفهوش كبير وصغير

كل اللي يحب لازم يتحمل ده الحب كلمة معناها الاحزان

هجرب اعيش في الحب يا قلبي وماله

ده اللي عاش طول عمره حزين مش هيهمه حاله

هعيش في الحب يومين وان ما ارتحتش عادي انا مش خسران

انا عامل حسابي اني لما احب هتخان

انا عامل حسابي ان الزمن ده مفهوش امان